Gonbidatu ospetsuak parte hartzaileak bezain urduri hurbildu dira Bilborock aretora. Partaideek beraien kide bihurtuko ziren famatuak ezagutu, eta lehiaketari buruzko azalpenak jaso dituzte.  Bitartean, leihatilan, hainbat eta hainbat lagun hurbildu dira beraien gonbidapena jaso eta arratsalde entretenigarri bat igarotzeko asmoz.Lehiakideak jarraibideak berehala ulertu eta Kike Amonarriz zein Ilaski Serranok hasiera eman diote Harrapazank programaren baitan ospatu den Mihiluze lehiaketa bereziari. Probekin hasi aurretik, publikoak bere porra osatu du, bi talderen aldeko apustua eginaz. Hurbildutako guztiek gainera, Mihiluze lehiaketaren kamiseta bat jaso dute!

Lehiaketari hasiera berehala eman zaio. Erantzuna emanda atalarekin lehenengoak San Inazioko Maider eta Jone, Onintza Enbeita bertsolariarekin batera. Kikek galderak egin eta partaideek esandakoa zein hilabeteri dagokion esan dute. Ondoren,  imihintzioka ibili dira hitzak asmatu nahian. Maristaseko Ainhize eta Maiderrek ere proba berdinak burutu dituzte. Ondoren, Kirikiño eta Zorrotzako gazteak ( Lander, Urko, Jorge eta Endika) ibili dira lehian, norgehiagoka irabazi eta puntuak eskuratuz.  Azkenik, Ellacuria eta Abusuko lehiakideak  (Jon Ander, Unai, Leire eta Eztizen) aritu dira aurre hartu nahian.  Buruz buruko bikaina, giro ezin hobean. Puntuaketen artean alde nabarmenak egon arren, oraindik badago zer aldatu. Edonork irabazi dezake lehia!

Publikoak ere parte hartzeko aukera izan du, sariak ere irabazi dituelarik. Izan ere, Kike publiko artera jaitsi eta bi zenbaki eskatu ditu. Zenbatu eta bi pertsonak, Bilboz Badakit jolaseko galdera bati erantzun eta jolasa irabazi dute.

 Bigarren itzulian, taldeak hitzak eta definizioak batzen eta eroglifikoak asmatzen nahiko lan izan dute! Bertsotan ere ibili dira Potokumeak atalean, baita esamesak deskodetze lanetan ere.

 Puntuazioak batu eta onenek finalean egoteko plaza eskuratu dute! San Inazio ikastetxeko Maider Apodaka eta Jone García  eta Kirikiño ikastolako Lander Aldaburu eta Urko Sanz! Beraiekin batera Onintza Enbeita eta Jokin Lacalle izango dira, adi eta zuhur, sari potoloa nork irabaziko!!

 Finala aurretik, porra nortzuk irabazi duten jakin dugu, asmatzaileak asko izan dira. Zozketa burutu eta bi lagunek eraman dute Bilboz Badakit jolasa, lagun zein familia artean Bilboren inguruan dakiten guztia erakutsi dezaten.

Hau dun/k hau urduritasuna, famatuak, partaideak eta publikoa aztoratuta dago. Nork irabaziko ote du 6 lagunentzako multiabentura egun pasa? Famatu desberdinen adinak (15-25, 26-35, 36-45)  asmatzen dutenek! Eta gehien asmatu eta irabazle…. Kirikiño ikastolako Lander eta Urko izan dira! Zorioonak bikote! Nor gonbidatuko ote dute asteburu pasara? Bigarren saria San Inaziokoak irabazi zuten. Maider eta Jone poz-pozik joan ziren etxera bakoitza I-Pod txiki txiki batekin. Disfrutatu  musika neskak! Hirugarren saria, Elkarmegadendako 2 bono, Maristetako Ainhize eta Maiderrek irabazi zituzten, nahi dituzten liburu eta diskoak erosteko aukera paregabea.

 Zorionak eta eskerrik asko gainontzeko parte hartzaile zein gonbidatu guztiei ere. Zuek gabe ezingo litzateke horrelako ekimen dibertigarri eta interesgarririk burutu!

 Sari banaketaren ostean, publikoa famatuengana hurbildu eta argazkiak ateratzen ibili dira, baita beraiekin hitz egiten ere! Egunarekin bukatzeko, Mihiluze saio berezian parte hartu duten gazte guztiek askari eder bat izan dute, bapo-bapo jan eta famatuekin solasean ibili dira guztiak! Hortaz gain, bakoitzak Bilboz Badakit jolasa eraman du etxera. Arratsalde pasa entretenigarria Harrapazank programaren eskutik!

Urduritasuna, ilusioa, dantza egiteko gogoa  izan dira nagusi Dantzazank Gala hasi aurreko orduetan. Otsailak 17an burututako kasting-a pasa eta finalean egotea lortu duten taldeak,  landutako koreografia buru-belarri fintzen aritu izan dira arratsaldeko 4etatik. Epaimahaikide zein ikusleak liluratzeko lau astetako lan gogorraren emaitza argitaratzear. Dantzari bilbotar gazteen distira lau haizetara zabaltzeko aukera paregabea. Ikusleak ere gogotsu etorri izan dira. Gonbidapenak banatu beharreko momentua iritsi orduko, Bilborock inguruan ilara amaigabeak  aretoa inguratu izan dute  Nerea Aliasek aurkeztutako finala nork irabaziko ote duen jakinminez.

Gala puntual hasi da,  19:30ean dena prest. Eskumako harmailan  Ugaitz Alegria dantzari eta aktorea, Ikerne Goikoetxea aktore eta koreografoa eta Gaztea Irratiko esataria den “Jon Gotzon” serio-serio eta adi-adi ibili dira gazteak eskenatokian noiz agertuko zain. Bitartean, Nerea Aliasek Galaren aurkezpenarekin hasi eta taldeen harrera burutzen joan da. Tartean, Special J  DJak finala girotzeaz arduratu da. Hortaz gain, hainbat sorpresa izan dira: break dantzarien erakustaldia eta Gilkitxaro antzerki taldeak eskainitako bakarrizketa esaterako. Ikusleen artean txaloak, algarak eta txistuak dantzarien taldeak agertu orduko. Dantzariak dotore-dotore beraien koreografia ikusgarriak taularatzen, talentu erakustaldi paregabea Bilborock-en. Hauen aurrean,  Ugaitz Alegriaren iritzi teknikoak, azken entsegu egunean gonbidatu berezia izandako Ikerne Goikoetxearen Galarekiko irizpidea eta Risto euskalduna bihurtu den Jon Gotzon irrati esatariak  beraien balorazioak eskaini izan dituzte ikusleen babes zein txistupean.

Epaileak ez dute erabaki erraza izan, kalitate goreneko ikuskizunak aukeran. Hala ere, aukeratu beharra izan dute, eta  parte hartzaile gazteenek eskuratu izan dute 6 pertsonentzako multiabentura asteburua. Izan ere, epaileen iritziz  12 eta 13 urteko Karmelo-Solokoetxeko ikasleek ( Ane Ines Landeta, Xabier Olaizola, Garazi Cadierno, Iker Díaz de Basurto, Usue Miyar, Urtzi Fontetxa) burutu dute erakustaldirik txukunena. Bigarren saria Kirikiño Ikastolako ikasleek (Irati Agirrezabalaga, Paula Arbelaiz, Eztizen Alonso, Helen Asenjo, Eneko Aparicio) eskuratu izan dute, 6 lagunentzako Ibaizabal jaitsiera  burutzeko aukera izango dutelarik. Azkenik, Karmelo-Solokoetxeko beste talde bat (Maddi Fuente, Alazne Morales, Ainhoa Urtiaga, Jon Elorza, Martin Ibarra) izan da saritua, ELKAR MEGADENDARI esker 30€tako 6 bono jaso izan dituztelarik,  bertan gustuko duten aukeratu eta posible duten guztia erosi dezaten. 

Sari banaketaren ostean talde guztiek bat egin, eta koreografia ikusgarri bat eskaini dute, beraien arteko giro ona agerikoa izan delarik. Esperientzia polit bat bizi izan dutela eta beraien arteak laguntasuna nagusi dela argi erakutsi izan diete ikusleei. Azken finean denak suertatu dira  hein batean irabazle, entseguetan burututako lanaren emaitza kalitate handiko koreografia izan baita. Esfortzuaren indarrez beraien helburuak bete izan dituzte.

 Nerea Aliasek gala bukatutzat eman bezain pronto, ikusleak apurka-apurka joan izan dira Bilborock Aretoa husten. Gazteek, ordea, oraindik ere sorpresatxu bat izan dute zain: askari handi bat! Parte hartzaile guztiak solasean, laguntasunak lehiakortasuna albo batera utzi izan du.  Tripak ondo bete bezain pronto, gazteen dantza gogoak koreografiak errepikatzera eraman ditu. Koreografia guztiak behin eta berriz errepikatu izan dituzte, hau izan dute beraien Harrapazank-en baitan burutu izan duten azken dantza entsegua. Auskalo etorkizunean dantzari profesional izan eta Harrapazank-era gonbidatu berezia gisa etorriko diren!

Eskerrik asko Dantzazank lehiaketan izena eman izan duzuen guztioi! Zuek gabe ezingo genuke horrelako ekimen zoragarririk burutu.

Eskerrak baita Ylenia Sánchez, Ikerne Goikoetxea, Ugaitz Alegria, Jon Gotzon, DJ Special J, break dantzari, Gilkitxaro antzerki taldea eta hau guztia posible egin duten ikastetxeei. Milesker baita Elkar liburudendari ere.

Atzerritarrak euki baleukoz

ZORIONAK DANTZAZANK KASTING-ean

PARTE HARTU DUZUEN GUZTIOI!

Maila handiko koreografiak zuzenean ikusteko aukera izan zen Atxuri Ikastetxean. Deialdi arrakastatsua izan da, beraz, parte hartzaile asko aurkeztu izan dira dantza ikusgarriak erakusteko prest! aukeraketa zaila epaileentzat.

ESKERRIK ASKO! talentu bizia dabil Bilbo aldean =)

Hona hemen finalisten zerrenda!

1.taldea

Naia Agirre ahedo

Eider Sanchez Uriarte

Saioa de la Maza Ortiz
Iratxe Txarterina Pozo
Leire fernandez Ruiz
Naia Vivanco Ibañez

2.taldea

                                          Garazi Lopez de Agileta                                  
Maider Fernandez Salado
Jone Olaizola Larrañaga
Udane Fernandez Bragado
Ibone Karkamo
 

3.taldea

Rakel Rego

Saydi Lubancadio

Maider Zarragoitia

Olatz Lopez

Gorka Manzanas

Ibai Fernandez

4.taldea

Maddi Fuente

Alazne Morales
Ainhoa Urtiaga
Jon Elorza
Martin Ibarra

5.taldea

Irati Agirrezabala Amesti
Paula Arbelaiz Cabrera

Eztizen Alonso Elorrieta
Helen Asenjo Moras
Eneko Aparicio Gomez

6.taldea

Ane Ines Landeta Urrabaso

Xabier Olaizola Larrañaga

Garazi Cadierno Canales

Iker Diaz de Basurto

Usue Miiyar Jauregi

Urtzi Fontetxa Garcia