HARRAPAZANK 09ko txapeldunak  jadanik hasi dira esperientzia ahaztezinak bizitzen!

DANTZAZANK LEHIAKETAKO 1.SARIA eskuratu zuen taldea Valderejoko Parke Natureletik itzuli berri da. Bertan, etxola polit baten igaro dute asteburua, multi abentura ekintzak eta eskulanak egin izan dituztelarik! Inbidia ederra ematen dute bertako argazkiek!

Zuk ere horrelakorik bizi nahi al duzu?? datorren urteko HARRAPAZANK-en parte hartu!

Kaixo lagun!

Martxoak 20an Bilborock aretoan ospatu zen Dantzazank Galaren bideoa ikusi nahi? Nerea Aliasek aurkeztu duen dantza lehiaketa nahi beste bider ikusteko aukera duzue! Bilbotar dantzari izar gazteak taula gainean!

BIHAR, APIRILAK 21, DANTZAZANK LEHIAKETAN IZENA EMAN ZUTEN GAZTEEK ARTEBI DANTZA AKADEMIA  (DEUSTU) BISITATZEKO AUKERA IZANGO DUTE. BERTAN FUNKY KLASE BAT ZUZENEAN IKUSI ETA AKADEMIA BERA EZAGUTUKO DUTE.

OSTIRALEAN DANTZAZANK GALA OSPATUKO  DA BILBOROCK ARETOAN!

PUBLIKO BEZALA ETORRI NAHI?? OSTIRALEAN, MARTXOAK 20, 18:30etatik AURRERA GONBIDAPENAK BANATUKO DITUGU BILBOROCK-en!!

GAZTE BILBOTARREN KOREOGRAFIA IKUSGARRIAK NEREA ALIAS-en ESKUTIK ETA... SORPRESA UGARI! BREAK DANTZARIAK, JONE NOVO "DJ SPECIAL J", GILKITXARO ANTZERKI TALDEA... HARRAPAZANK AUKERA! DANTZAZANK!

DANTZAZANK LEHIAKETA

OINARRIAK

1. 12 eta 18 (1991tik eta 1996ra bitartean jaiotakoak) urte bitarteko gazteek parte hartu ahal izango dute.
2. Taldeka eman behar da izena eta ikastetxe bereko 5-6 pertsonak osatuko dute talde bakoitza.
3. Ikastetxe bakoitzetik nahi beste taldek eman ahal dute izena.
4. Izena emateko epea otsailaren 13an bukatuko da
5. Otsailaren 17an, asteartea, izena emandako taldeen artean kasting bat egingo da. Izena eman duten talde guztiek dantza edo koreografia txiki bat prestatuta ekarri beharko dute. Behar duten musika ere taldeek ekarriko dute.
6. Aukeraketa egiterako orduan, neskaz eta mutilez osatutako taldeak izatea kontuan hartuko da.
7. Talde aukeratuek finala aurretik dantzari euskaldun batek zuzendutako 5 saiotara joateko aukera izango dute. Otsailaren 17 eta 24 eta martxoaren 3, 10 eta 17an egingo dira eta gazteei dantzak prestatzen lagunduko zaie
8. Finala (DANTZAZANK GALA) martxoaren 20an Bilborocken jokatuko da arratsaldeko 19:30ean. 
9. SARIAK hauek dira:
   

            1. saria: ikas bidaiarako diru laguntza edo multiabentura asteburu pasa 6 lagunentzat.

2. saria: Ibaizabal ibaiaren jaistea

             3. saria: Elkarmegadendako bonoak

10. Epai-mahai batek martxoaren 20an aukeratuko   ditu irabazleak.

      11.  Finalean ikastetxe desberdinetako gazteek parte   hartzea bermatuko da.

Urduritasuna, ilusioa, dantza egiteko gogoa  izan dira nagusi Dantzazank Gala hasi aurreko orduetan. Otsailak 17an burututako kasting-a pasa eta finalean egotea lortu duten taldeak,  landutako koreografia buru-belarri fintzen aritu izan dira arratsaldeko 4etatik. Epaimahaikide zein ikusleak liluratzeko lau astetako lan gogorraren emaitza argitaratzear. Dantzari bilbotar gazteen distira lau haizetara zabaltzeko aukera paregabea. Ikusleak ere gogotsu etorri izan dira. Gonbidapenak banatu beharreko momentua iritsi orduko, Bilborock inguruan ilara amaigabeak  aretoa inguratu izan dute  Nerea Aliasek aurkeztutako finala nork irabaziko ote duen jakinminez.

Gala puntual hasi da,  19:30ean dena prest. Eskumako harmailan  Ugaitz Alegria dantzari eta aktorea, Ikerne Goikoetxea aktore eta koreografoa eta Gaztea Irratiko esataria den “Jon Gotzon” serio-serio eta adi-adi ibili dira gazteak eskenatokian noiz agertuko zain. Bitartean, Nerea Aliasek Galaren aurkezpenarekin hasi eta taldeen harrera burutzen joan da. Tartean, Special J  DJak finala girotzeaz arduratu da. Hortaz gain, hainbat sorpresa izan dira: break dantzarien erakustaldia eta Gilkitxaro antzerki taldeak eskainitako bakarrizketa esaterako. Ikusleen artean txaloak, algarak eta txistuak dantzarien taldeak agertu orduko. Dantzariak dotore-dotore beraien koreografia ikusgarriak taularatzen, talentu erakustaldi paregabea Bilborock-en. Hauen aurrean,  Ugaitz Alegriaren iritzi teknikoak, azken entsegu egunean gonbidatu berezia izandako Ikerne Goikoetxearen Galarekiko irizpidea eta Risto euskalduna bihurtu den Jon Gotzon irrati esatariak  beraien balorazioak eskaini izan dituzte ikusleen babes zein txistupean.

Epaileak ez dute erabaki erraza izan, kalitate goreneko ikuskizunak aukeran. Hala ere, aukeratu beharra izan dute, eta  parte hartzaile gazteenek eskuratu izan dute 6 pertsonentzako multiabentura asteburua. Izan ere, epaileen iritziz  12 eta 13 urteko Karmelo-Solokoetxeko ikasleek ( Ane Ines Landeta, Xabier Olaizola, Garazi Cadierno, Iker Díaz de Basurto, Usue Miyar, Urtzi Fontetxa) burutu dute erakustaldirik txukunena. Bigarren saria Kirikiño Ikastolako ikasleek (Irati Agirrezabalaga, Paula Arbelaiz, Eztizen Alonso, Helen Asenjo, Eneko Aparicio) eskuratu izan dute, 6 lagunentzako Ibaizabal jaitsiera  burutzeko aukera izango dutelarik. Azkenik, Karmelo-Solokoetxeko beste talde bat (Maddi Fuente, Alazne Morales, Ainhoa Urtiaga, Jon Elorza, Martin Ibarra) izan da saritua, ELKAR MEGADENDARI esker 30€tako 6 bono jaso izan dituztelarik,  bertan gustuko duten aukeratu eta posible duten guztia erosi dezaten. 

Sari banaketaren ostean talde guztiek bat egin, eta koreografia ikusgarri bat eskaini dute, beraien arteko giro ona agerikoa izan delarik. Esperientzia polit bat bizi izan dutela eta beraien arteak laguntasuna nagusi dela argi erakutsi izan diete ikusleei. Azken finean denak suertatu dira  hein batean irabazle, entseguetan burututako lanaren emaitza kalitate handiko koreografia izan baita. Esfortzuaren indarrez beraien helburuak bete izan dituzte.

 Nerea Aliasek gala bukatutzat eman bezain pronto, ikusleak apurka-apurka joan izan dira Bilborock Aretoa husten. Gazteek, ordea, oraindik ere sorpresatxu bat izan dute zain: askari handi bat! Parte hartzaile guztiak solasean, laguntasunak lehiakortasuna albo batera utzi izan du.  Tripak ondo bete bezain pronto, gazteen dantza gogoak koreografiak errepikatzera eraman ditu. Koreografia guztiak behin eta berriz errepikatu izan dituzte, hau izan dute beraien Harrapazank-en baitan burutu izan duten azken dantza entsegua. Auskalo etorkizunean dantzari profesional izan eta Harrapazank-era gonbidatu berezia gisa etorriko diren!

Eskerrik asko Dantzazank lehiaketan izena eman izan duzuen guztioi! Zuek gabe ezingo genuke horrelako ekimen zoragarririk burutu.

Eskerrak baita Ylenia Sánchez, Ikerne Goikoetxea, Ugaitz Alegria, Jon Gotzon, DJ Special J, break dantzari, Gilkitxaro antzerki taldea eta hau guztia posible egin duten ikastetxeei. Milesker baita Elkar liburudendari ere.

ZORIONAK DANTZAZANK KASTING-ean

PARTE HARTU DUZUEN GUZTIOI!

Maila handiko koreografiak zuzenean ikusteko aukera izan zen Atxuri Ikastetxean. Deialdi arrakastatsua izan da, beraz, parte hartzaile asko aurkeztu izan dira dantza ikusgarriak erakusteko prest! aukeraketa zaila epaileentzat.

ESKERRIK ASKO! talentu bizia dabil Bilbo aldean =)

Hona hemen finalisten zerrenda!

1.taldea

Naia Agirre ahedo

Eider Sanchez Uriarte

Saioa de la Maza Ortiz
Iratxe Txarterina Pozo
Leire fernandez Ruiz
Naia Vivanco Ibañez

2.taldea

                                          Garazi Lopez de Agileta                                  
Maider Fernandez Salado
Jone Olaizola Larrañaga
Udane Fernandez Bragado
Ibone Karkamo
 

3.taldea

Rakel Rego

Saydi Lubancadio

Maider Zarragoitia

Olatz Lopez

Gorka Manzanas

Ibai Fernandez

4.taldea

Maddi Fuente

Alazne Morales
Ainhoa Urtiaga
Jon Elorza
Martin Ibarra

5.taldea

Irati Agirrezabala Amesti
Paula Arbelaiz Cabrera

Eztizen Alonso Elorrieta
Helen Asenjo Moras
Eneko Aparicio Gomez

6.taldea

Ane Ines Landeta Urrabaso

Xabier Olaizola Larrañaga

Garazi Cadierno Canales

Iker Diaz de Basurto

Usue Miiyar Jauregi

Urtzi Fontetxa Garcia